Олны танил алдартай хосуудын нэг бол реалити шоуны од Ким Кардашиан, дуучин Канье Уэст нар. Гэвч гэр бүлийн маргаан, таагүй нөхцөл байдлын улмаас хосууд салж магадгүй болжээ. Саяхан дуучин залуу мэдрэлийн ядаргаа хэмээн оношлогдож, эмнэлэгт хүргэгдсэн билээ.

Улмаар  10 хоногийн турш хэвтэн эмчлүүлсний эцэст эмнэлгээс гарсан. Гэхдээ эмчилгээгээ гадуур үргэлжлүүлж байгааг эх сурвалжууд мэдээлсэн байдаг. Тэгвэл 36 настай реалити од бүсгүй сүүлийн үед гэрлэлтдээ сэтгэл дундуур байх болсны зэрэгцээ нөхрөөсөө салахыг хүсэх болсон тухай “UsWeekly” сэтгүүл мэдээлсэн байна.

Мөн Норт, Сент гэх хоёр хүүхдээ бүсгүй өөр дээрээ өсгөхийг хүсч байгаа гэнэ. Эдүгээ хосууд тусдаа амьдарч байгаа. Ким Кардашиан хүүхдүүдийнхээ хамт гэртээ амьдарч байгаа бол Канье Уэст эмнэлгээс гарсныхаа дараа Лос-Анжелест түрээсийн байр хөлслөн амьдрах болсон байна.  Ямартай ч, хоёр хүүхдийн эцэг,  эх болсон хосууд салж ч магадгүй болоод байгаа бололтой.