АН-ын V Их хурлаас хойш, есөн жилийн дараа Ардчилсан нам VI их хурлаа хийж байна. АН-ын Их хурал морин цагт буюу 11:40 цагт эхэлж, сонгуулиар УИХ, нийслэл, аймаг орон нутагт ялалт байгуулсан гишүүддээ намынхаа туг, далбааг гардуулан өгсөн юм.

Тус намын Их хуралд нийслэл, орон нутгийн 1210 төлөөлөгч оролцож байгаа бөгөөд З.Энхболд, Н.Алтанхуяг, Ч.Сайханбилэг, Д.Эрдэнэбат, Р.Амаржаргал, С.Ламбаа, С.Одонтуяа, М.Зоригт, Л.Болд, Г.Батхүү, С.Эрдэнэ, Ч.Санжмятав болон УИХ-ын экс гишүүд,  нар оролцож байна.

Яг одоо АН-ын дарга З.Энхболд хурлыг даргалж, АН-ын Их хурлын 1210 төлөөлөгчийн бүрэн эрхийг батламжилж, тэргүүлэгчдийг томиллоо. Тэрбээр энэ зуур хошигнож, “Алхаа санасан байна шүү. Алх хаана байна” хэмээсэн юм. Ийнхүү АН-ын VI Их хурал албан ёсоор эхэллээ.