Эдүгээ 50 насны босгыг хэдийнэ алхсан ч, залуу сайхан төрхөө хадгалсаар байгаа дуучин Мадонна саяхан нэгэн сэтгүүлд өгсөн ярилцлагадаа АНУ-ын Ерөнхийлөгчийн сонгуулийн талаарх байр сууриа илэрхийлжээ. Дуучин бүсгүйн хувьд  Нэгдсэн улс анх удаагаа эмэгтэй Ерөнхийлөгчтэй болохыг дэмжигч олны танил алдартнуудын нэг байсан юм.

Тэгвэл Мадонна “Биллборд” гэх сэтгүүлд өгсөн ярилцлагадаа улс төрийн туршлагагүй үл хөдлөх хөрөнгийн тэрбумтан Доналд Трампад саналаа өгсөн эмэгтэйчүүдийн тоо бодож байснаас нь өндөр байсныг онцолсон байна.

Тэрбээр “Эмэгтэйчүүд эмэгтэйчүүддээ дургүй. Ийм л юм байна гэж бодсон. Эмэгтэйчүүдийг ерөнхийдөө ижил хүйснийх нь хүмүүс дэмждэггүй. Тэр л хамгийн харамсалтай” гэжээ. Дуучин бүсгүй тус сэтгүүлийн “Оны шилдэг эмэгтэй” болсон бөгөөд энэ баасан гарагт шагналаа гардах юм байна.