Италийн “Торино” клуб багийн довтлогч Андреа Белоттитай шинэ гэрээ байгуулж, гарын үсэг зуржээ. Тэрбээр 2021 он зун хүртэл багтаа үлдэхээр болоод байгаа юм.

Хэрвээ түүний гэрээ дуусахаас өмнө өөр баг худалдаж авахаар бол 100 сая евро төлөх хэрэгтэй болох аж.  Тэрбээр энэ улиралд “Торино”-гийн төлөө Сери А лигт 13 тоглолтод оролцож, 10 гоол оруулж, 4 гоолын дамжуулалт өгчихөөд байгаа юм. Мөн тэрбээр мэргэн буучийн жагсаалтад гуравдугаар байрт бичигдэж байна.

“Торино” клубын хувьд 25 оноотой 7 дугаар байрт бичигдэж байгаа билээ. Тэдний дээр 4, 5, 6 дугаар байрт бичигдэж байгаа багуудын хувьд 28 оноотой байна.