Бага насны хүүхэд халуун цайнд түлэгдэх тохиолдол сүүлийн үед нэмэгдэж байгаа талаар холбогдох албаны хүмүүс мэдээлж буй.

Түүнчлэн энэ байдал ихэвчлэн эцэг, эхчүүдийн хайрамжгүй үйлдлээс болж ихсэх болсон талаар ч анхааруулсан. Гэвч өчигдөр гэхэд л халуун цайнд хүүхэд түлэгдсэн дуудлага ГССҮТ-д ирсэн байна.

Тодруулбал,  “ГССҮТ-д түлэгдэж, гэмтсэн хүн ирж хэвтлээ” гэсэн мэдээлэл цагдаагийн газарт ирсэн бөгөөд дуудлагын дагуу шалгахад Хөвсгөл аймаг Тэлмэн булаг сумын ... тоотод оршин суух найман настай Ц  нь гэртээ халуун цайнд түлэгдэж, улмаар эмнэлэгт хүргэгдэн ирж, хэвтэн эмчлүүлж байгаа аж.

Уг хэргийг Баянгол дүүргийн цагдаагийн II дугаар хэлтэст шалгаж байна.