NBA-ын талбайд 15 тоглолт боллоо. Өмнөх тоглолтодоо 43 онооны зөрүүгээр хожигдсон Лос Анжелес Лейкэрс талбай дээрээ Голдэн Стэйт Уорриорс багтай тоглолоо.

Тоглолтын эхний хагас 10 онооны зөрүүгээр Голдэн Стэйт Уорриорс тэргүүлсэн бол үлдсэн хагаст онооны зөрүүгээ холдуулж 109-85 харьцаагаар 10 дараалсан ялалт байгууллаа. Уорриорс 14-2 гэсэн амжилтаар өрнөд бүсийг тэргүүлж эхэлсэн бол эсрэг багийн хувьд 8-9 харьцаатайгаар өрнөд бүсэд 9-рт бичигдэж эхэлжээ.

Тус тоглолтод Кэвин Дурант 29 оноо, 9 оновчтой дамжуулалтыг гүйцэтгэж багаа тэргүүлсэн бол Стивэн Карри 24, Клэй Томпсон 18 оноог авчээ. Мөн багаараа 31 оновчтой дамжуулалтыг өгсөн бөгөөд 30-аас дээш дамжуулалт өгөхөөрөө хожигдоогүй байгаа ажээ. Харин эсрэг багаас Жордан Кларксон 20 оноог авчээ. Тус багаас Ник Янг, Жулиус Рендл, ДиАнжело Рассел нар оролцоогүй билээ