Поп хөгжмийн хатан хаан Мадоннагийн өсвөр насны хүү Рокко Ричи хар тамхи хэрэглэсэн хэргээр баривчлагджээ. Найруулагч Гай Ричи дуучин Мадонна нарын дундаас төрсөн Рокко эдүгээ 16 настай бөгөөд эцгийнхээ хамт  Лондонд амьдардаг юм.  Гэвч саяхан түүний хөршүүд цагдаагийн байгууллагад дуудлага өгчээ.

Хөршүүдийнх нь мэдээллийн дагуу цагдаагийнхан тэдний гэрт ирж шалгахдаа хүүг олсны ургамал гэртээ хадгалж байсныг илрүүлэн баривчилжээ. Энэ оны эхээр Мадонна, Гай Ричи нар хүүгээ асрах эрхийн төлөө ширүүн тэмцэлдсэн.

Гэвч Роко поп дуучин ээжтэйгээ төдийлөн таарамжгүй байдаг бөгөөд эцэстээ эцэгтэйгээ хамт амьдрахыг илүүд үзсэн байдаг билээ