Монголын чөлөөт бөхийн холбоо гэж нэг дүүрчихсэн байгууллага байна. Өнгөрсөн бямба гарагт холбооны хурлаа хийхээр болсон ч  тамирчид, дасгалжуулагч нараа оролцуулахгүй хэмээн зүтгэж, хэрүүл тэмцэл өрнүүлсэн. Тэгээд ч холбооныхоо хуралд Ерөнхийлөгч нь ирээгүй. Харин УИХ-ын гишүүн, Чөлөөт бөхийн холбооны дэд Ерөнхийлөгч А.Сүхбат хуралд оролцож, үгээ хэлж, үзэл бодлоо илэрхийлсэн.

Харин хурлын үеэр тэрбээр нэлээд бухимдсан талаар хуралд оролцсон зарим эх сурвалжууд хэлж байгаа аж. Энэ талаар хэвлэлээр мэдээлж эхэллээ. Тухайлбал, А.Сүхбат аварга дасгалжуулагч Ц.Цогтбаярт хандаж “Цогтбаяр аа, чамайг ядарсан үед би мөнгө өгч байсныг мартаагүй биз дээ” хэмээн загнасан сурагтай.

Мөн Г.Мандахнаранг ч багагүй загнаж, “Өнгөрсөн жил би чамайг сайн барилдаарай гээд нэг азарга өгсөн. Дургүй хүргээд байвал буцаагаад авъя. Одоо бол 60 сая төгрөг хүрнэ” хэмээн хатуурхсан юм байх.

Эцэстээ  “Ер нь би танай чөлөөт бөхийн холбооноос холдож зайлаад санааг чинь амраагаад өгье” хэмээн хашгирч, ихэд бухимдан гарч явсан гэнэ.