Германы Бундес лигийн 11 дүгээр тойргийн эхний тоглолт өнгөрсөн шөнө боллоо.  11 дүгээр  тойргийн салхийг хагалж “Байер Леверкузен” талбайдаа хожигдоогүй яваа “Лейпциг” клубыг хүлээж авсан юм. Энэ тоглолтод зочин баг хүчтэй өрсөлдөгчөө 2:3-аар буулгаж авч, 27 оноотой болсноор хүснэгтийг тэргүүлж эхэллээ. Мөн хожигдоогүй хэвээр үлдэж байгаа юм.

“Лейпциг” эхний 11 тойрогт 8 хожиж, 3 тэнцсэн амжилттай үргэлжлүүлж байна. Энэ удаагийн тоглолтын 1 дэх минутад Кампль тооны харьцааг нээсэн бол 4 дэх минутад Баумгартлингер өөрийнхөө авто гоол оруулж, тэнцүүлсэн. Гэвч 45 дахь минутад Брандт гоолдож, “Байер” тэргүүлж эхэлсэн. Харин 67 дахь минутад Форсберг тэнцүүлж, 81 дэх минутад Орбан хожлын гоол оруулжээ.