NBA-ын талбайд дөрвөн тоглолт боллоо. Өмнөх тоглолт талбай дээрээ Даллас Мавирекс багт ялагдал хүлээсэн Лос Анжелес Лейкэрс баг Сакермэнто Кингсийн талбайд зочлон тоглолоо.

Тоглолтын эхний үед 14 оноогоор хожигдож явсан Лейкэрс хоёр болон гуравдугаар үед оноог ойртуулж гурав болжээ. Шийдвэрлэх үеийн Лейкэрс оноог барьж чадсанаар 101-91 харьцаагаар хожиж, улирлыг таван хожил дөрвөн хожигдолтой өрнөд бүсэд долдугаарт бичигдэж байна. Харин Кингс 4-6 харьцаатай болж өрнөд бүсийн 10-т бичигдэж байна.

Тус тоглолтод Луй Уйлмас 21 оноог сэлгээнээс авсан бол ДиАнжело Рассел 17 оноо, Ник Янг 16 оноо, Жульс Рендл 15 оноог тус тус авчээ. Харин эсрэг багаас ДиМаркус Казинс 28 оноог авчээ.