Монголын Үндэсний допингийн эсрэг байгууллагаас холбогдох журмын дагуу 2026 оны Үндэсний их баяр наадмын үндэсний бөх, сурын харвааны нийт 80 сорьц, мөн 17 аймаг болон алслагдсан гурван дүүрэгт зохион байгуулагдсан орон нутгийн баяр наадмаас цуглуулсан 84 сорьцыг олон улсын итгэмжлэгдсэн лабораторид шинжлүүлэхээр хүргүүлсэн.

Шинжилгээний хариу долоодугаар сарын 16-ны өдрийн 20:00 цагт ирэхээр байсан юм.

Тэгвэл шинжилгээний хариуны талаар Бөхийн салбар хорооны дарга Б.Батбямба "Үндэсний их баяр наадмын хүчит бөхийн барилдаанд шөвгөрсөн 64 бөхийн 63-ынх нь допингийн шинжилгээний хариу одоогоор ирсэн. Эдгээр 63 бөхийн шинжилгээнээс ямар нэгэн хориотой бодис илрээгүй. Харин үлдсэн нэг бөхийн шинжилгээний хариу хараахан гараагүй байна. Одоогоор тухайн бөхөөс хориотой бодис илэрсэн гэх мэдээлэл ирээгүй, шинжилгээ нь дуусаагүй үргэлжилж байгаа" гэв.