Наадам сайхан боллоо. Бөх, морь, сурын харваанд элдэв гомдол будилаан, хэрүүл тэмцэл гарсангүй. Харин наадмын айраг, хуушуурын ширээний ард улс төр яригддаг хэвээр байна. Тийм ярианы нэг нь Ерөнхийлөгчийн 2027 оны сонгууль байв. “МАН-аас хэн бэ, АН хэнийгээ вэ, яагаад нам жим байна вэ ” гэлцлээ.

Гэхдээ нэг анхаарахаар зүйл “Ерөнхийлөгчийн сонгуулиар АН авлига, амьжиргааны өртөг хоёрын өсөлтөөр балбаж, МАН тэр хоёрыгоо хамгаалах гэж балрах нь” гэж байна. Гэвч үүнийг зөвхөн наадмын айраг хуушуурын хачир төдий гэж ойлговол эндүүрэл болно. МДА судалгааны байгууллагаас л гэхэд ээлжит аналитик нийтлэлдээ “2026 оны тавдугаар сарын инфляц 11.2 хувь хүрэв. Монголбанкны 1,848 иргэнийг хамруулсан судалгаанд оролцогчдын 73 хувь нь ирэх 12 сард үнийн өсөлт улам нэмэгдэнэ гэж хүлээжээ.

Улаанбаатарын иргэдийн 12 сарын инфляцын хүлээлт 9.9 хувь байв. Ажил эрхлэлт, эдийн засгийн өсөлт, төгрөгийн ханшийн талаарх хүлээлт ч өөдрөг биш байна.Тэгэхээр 2027 онд амьжиргааны өртөг, төрийн тогтвортой байдал, авлига, хариуцлага хүчтэй сэдэв болж мэднэ” гэсэн байна. Нээрэн л, өнөөдрийн бодит байдлыг харвал тэгж мэдэхээр нөхцөл бүрдээд байгаа билээ.

Эх сурвалж: https://www.polit.mn/