Калифорниагийн үзэсгэлэнт муу гэгддэг дуучин Кэйти Перри өнөөдөр Хятадын “Alibaba double 11” үйл ажиллагаанд оролцох байсан ч, ар гэрт нь яаралтай  хэрэг гаргах гэх шалтгаанаар төлөвлөгөөгөө цуцалжээ. Хятадад арваннэгдүгээр сарын 11-ний өдрийг “Ганц бие хүмүүсийн өдөр” гэж нэрлэдэг бөгөөд энэ өдөр онлайн худалдаа эрхлэгчид бараагаа  их хэмжээгээр хямдруулдаг байна. 

Харин дуучин бүсгүйн хувьд Хятадын интернэт худалдаа эрхлэх хамгийн том “Алибаба” группын төлөөлөгчөөр сонгогдож, “Alibaba double 11” үйл ажиллагаанд оролцох ёстой байжээ. Гэвч Кэйти Вейдо сүлжээнд “Харамсалтай нь, гэр бүлд яаралтай ажил гарсны улмаас “Alibaba double 11” үйл ажиллагаанд оролцох боломжгүй боллоо.  Шүтэн бишрэгчдээсээ хүлцэл өчье” гэж бичсэн байв. Одоогоор Кэйтигийн гэр бүлд юу тохиолдсон нь тодорхойгүй байна.

Гэхдээ зарим эх сурвалж АНУ-ын ээлжит Ерөнхийлөгчийн сонгуульд Доналд Трамп ялсны улмаас шоконд орсон болов уу хэмээн таамаглажээ. Бүсгүй Хиллари Клинтоныг дэмжиж байсан бөгөөд сонгуулийн дараа твиттер хаягийнхаа профайлыг тас хар зургаар өөрчилж, үнэний төлөө тэмцэе гэж жиргэсэн байжээ.  Дашрамд дурьдахад, Кэйти Перригийн эцэг эх нь Трампыг дэмжсэн гэнэ.