Загвар өмсөгч бүсгүйчүүдийг бээлий шигээ сольдог  гэдгээрээ  зартай Канадын залуу од, дуучин Жастин Биберийн экс найз бүсгүй Жаиде Пиерс  жирэмсэн болжээ. Бүсгүй эдүгээ зургаан сартай жирэмсэн бөгөөд сүүлийн үед сошиал сүлжээнд загвар өмсөгч бүсгүйн хөл хүнд зураг олны анхаарлыг ихээр татаж байна.  

Дуучин залуу энэ оны эхээр Жаиде Пиерсээс салж, мөр мөрөө хөөх болсон байдаг. Тиймээс хүүхдийн эцэг нь мэдээж Жастин Бибер биш. 21 настай залуу бүсгүй Жастинаас салсны дараа реппер Майк Диксонтой болзож эхэлсэн бөгөөд хосууд ийнхүү үрийн зулай үнэрлэхээр бэлтгэж эхэлсэн гэнэ.

Эдүгээг хүртэл жирэмсэн гэдгээ нуусан бүсгүй саяхан хөл хүнд зургаа сошиал сүлжээнд нийтэлж, “Удаан хүлээсний эцэст нэг мэдээг зарлаж байна. Бид хүүхэдтэй болно. Миний хэвлийд өөр нэгэн амьдрал бүрэлдэж байгаад би өнөөдрийг хүртэл итгэж чадахгүй явлаа.  Хэцүү бэрх үе тулгарч байгаа ч, миний амьдралын хамгийн сайхан мөчүүдийн нэг нь энэ байх. Бяцхан үр минь чамтайгаа уулзахыг хүлээж  тэсэхгүй нь. Маш их хайртай” гэх тайлбарыг зүүсэн байв.