Өвлийн улирал эхэлж, хүйтний эрч чангарсантай холбогдуулан архи, согтууруулах ундаа хэрэглэхгүй байхыг Цагдаагийн газраас анхаарууллаа. Иргэд архи, согтууруулах ундаа хэтрүүлэн хэрэглэж, улмаар гадаа унтаж, осгох тохиолдол гардаг байна.

Тодруулбал, өнгөрсөн лхагва гарагийн шөнө  Сүхбаатар дүүргийн нутагт байрлах “Лазер” баарны арын жалганаас осгосон хүн олдож, ГССҮТөвд хүргэгдэн иржээ. Уг хэргийг шалгахад,  согтууруулах ундааны зүйл хэтрүүлэн хэрэглэсэн тогтоогдсон байна. Өвчтөн одоогоор ГССҮТ-д хэвтэн эмчлүүлж байгаа ажээ. Тус хэргийг Сүхбаатар дүүргийн Цагдаагийн II дугаар хэлтэс үргэлжлүүлэн шалгаж байна.