Олон улсын сагсан бөмбөгийн холбооноос 3х3 сагсан бөмбөгийн Азийн аварга шалгаруулах тэмцээнийг ирэх дөрөвдүгээр сарын 01-05-ны хооронд Сингапурт зохион байгуулагдаж байна. Өчигдөр "FIBA 3x3 Asia Cuр" тэмцээний хэсгийн тоглолтууд эхлэсэн бөгөөд өнөөдөр манай Монгол Улсын эрэгтэй болон эмэгтэй багууд тоглоно.

Манай залуусын тоглолт дөрөвдүгээр сарын 4-нөөс эхлэх бөгөөд эрэгтэй баг "А" хэсэгт Тайван болон Филиппины багтай нэг хэсэгт орсон. Харин эмэгтэй баг Шинэ Зеланд болон Малайзын багтай "В" хэсэгт орсон.

Энэ жилийн "FIBA 3x3 Asia Cup" тэмцээнд оролцох Монгол Улсын багийн бүрэлдэхүүнд ДАШТ-ий мөнгөн медальт, гавьяат тамирчин О.Хулан, Б.Ариунцэцэг, Н.Нандинхүсэл Э.Нарангоо нар багтсан бол эрэгтэйчүүдээс Г.Болор-Эрдэнэ, Э.Сугар-Очир, Н.Ганбаатар, М.Чинхутаг нарын тамирчин багтсан байна. 

Эмэгтэй шигшээ багийн хуваарь

• 04/04-15:00 Монгол - Филиппин
• 04/04-19:30 Монгол - Шинэ Зеланд

Эрэгтэй шигшээ багийн хуваарь

• 04/04-15:50 Монгол - Тайван
• 04/04-18:40 Монгол - Малайз