Электрон тоглоомын CS2 төрлийн "The MongolZ" баг энэ оны эхний тэмцээнээ Польш улсын Краков хотноо нэгдүгээр сарын 28-наас хоёрдугаар сарын 8-ны хооронд болох IEM Krakow 2026 тэмцээнд оролцоно. Манай залуус тус тэмцээний хоёрдугаар шатнаас тоглох бөгөөд өчигдөр /2026.01.31/ Европын холбооны "G2" багтай тоглож 0-2 (Dust2 2-13; Ancient 11-13; Mirage 0-0) харьцаагаар хожигдлоо.

Улмаар доод хүснэгтэд тоглохоор болсон бөгөөд өнөөдөр /2026.02.01/ Бразилын "FURIA" багтай тоглохоор боллоо. Хоёр баг өнгөрсөн онд долоон тэмцээнд учраа таарч тоглосон бөгөөд эхний гуравт нь "The MongolZ" хожиж, сүүлийн дөрөвт нь хожигдоод байгаа юм. Хоёр багийн сүүлийн учраа өнгөрсөн оны арваннэгдүгээр сарын болсон "IEM Chengdu 2025" тэмцээнд 0-2 (Overpass 10-13; Mirage 5-13) харьцаагаар хожигдсон байна.

Энэ тэмцээний дараа нь ирэх хоёрдугаар сарын 14-22-ны өдрийн хооронд Румын улсын Клуж-Напока хотноо болох PGL Cluj-Napoca 2026 тэмцээний урилгыг хүлээн авсан байна.

The MongolZ багийн бүрэлдэнүүнд ахлагч Blitz  /Б.Гарьдмагнай/,  Techno4k  /М.Содбаяр/, 910  /Б.Өсөхбаяр/, Mzinho  /Б.Аюуш/, "Cobrazera" У.Анарбилэг, дасгалжуулагч Maaraa /Б.Эрдэнэдалаа/ нар тоглож байгаа бөгөөд сэлгээнд Senzu /М.Азбаяр/ байна.