Цагдаагийн байгууллагад энэ сарын 26-ны 16.00 цагийн орчимд “Сэлэнгэ аймгийн нутаг дэвсгэрт зам тээврийн осол гарсан байна” гэх дуудлага мэдээлэл иржээ. Дуудлагын дагуу шалгахад суудлын хоёр автомашин мөргөлдсөний улмаас нэг хүүхдийн амь хохирч, хоёр хүн гэмтсэн нөхцөл байдал урьдчилсан байдлаар тогтоогдсон байна. Улмаар уг хэргийг Сэлэнгэ аймгийн цагдаагийн хэлтэс шалгаж байгаа аж. Иймд жолооч та бүхэн холын замд гарахдаа тээврийн хэрэгслийн бүрэн бүтэн байдлыг хангаж, хурдаа тохируулан анхаарал болгоомжтой хөдөлгөөнд оролцохыг цагдаагийн байгууллагаас анхаарууллаа.