ӨВЛИЙН ТЭРГҮҮН УЛААГЧИН ГАХАЙ САРЫН БИЛГИЙН ТООЛЛЫН 2

ГУРВАН ХӨХ МЭНГЭТЭЙ ХӨХӨГЧИН ХОНЬ ӨДӨР

• Үс засуулвал: Хэл, ам, хэрүүл тэмцэл ирнэ
• Өдрийн наран 8 цаг 09 минутад мандан, 17 цаг 08 минутад жаргана.

Тухайн өдөр туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Бага цасан буух өдөр (11ц 9м). Үс шинээр үргээлгэх буюу засуулахад тохиромжгүй.