Өнөөдөр өдрийн 15:45 цагийн байдлаар шатахуун түгээх станцуудаас шалтгаалан Улаанбаатар хотын авто замын түгжрэл нэмэгдэж байгаа талаар Тээврийн цагдаагийн албанаас мэдээллээ. Тээврийн цагдаагийн албанаас "Иргэдийн шатахуун авах хэрэгцээ нэмэгдсэний улмаас урт хэмжээний дараалал үүсэж, үүнээс шалтгаалан бусад замуудад ачаалал үүсээд байна. Тодруулбал, зорчих хэсгийн нэгдүгээр эгнээнд дараалал үүссэний улмаас Чингэлтэйн өргөн чөлөөний гудамж ачаалал авсан байна. Улмаар Баянбүрдийн тойргоос 32-н уулзвар, Өлзий төвийн уулзвараас Хайлаастын уулзвар хүртэл хоёр талдаа ачаалал авч, хөдөлгөөн удааширч байна. Иймд тээврийн цагдаагийн албанаас тодорхой цэгүүдэд зохицуулалт хийж ажиллаж байна" хэмээн мэдээллээ.