Электрон спортын CS2 төрлийн хамгийн нэр хүндтэй тэмцээн болох "ESL Pro League" тэмцээний 22 дахь улиралын тэмцээн /2025.09.28/ өдөр Швед улсын Стокгольм хотноо болж байна.

Монгол Улсын "The Mongolz" баг тус тэмцээний хоёрдугаар шатнаас оролцож байгаа бөгөөд хоёр дахь тоглолтоо Украйны "Inner Circle" багтай тоглож 0-2 (Dust 2 9-13, Mirage 11-13, Ancient 0-0) харьцаагаар хожигдлоо. Эхний тоглолтод  ОХУ-ын "HOTU" багтай тоглож 1-2 (Overpass 8-13, Mirage 13-10, Ancient 9-13) харьцаагаар хожигдсон билээ.

Улмаар дахин хожигдвол тэмцээнээс хасагдах бөгөөд тус тоглолт өнөөдөр (2025.10.06) Германы "Gamer Legion" багтай 21:30 цагаас тоглохоор боллоо. Хоёр баг өмнө нь наймдугаар сард болсон "Esports World Cup 2025" тэмцээнд тоглож байсан бөгөөд манай залуус 2-0 харьцаагаар хожиж байжээ.