Электрон спортын CS2 төрлийн "FISSURE Playground 2" тэмцээн /2025.09.12/ өдөр Серби улсын Белград хотноо болж байна. Тус тэмцээн 1250,000 ам.долларын шагналын сантай бөгөөд Монгол Улсын "The Mongolz" баг оролцож байгаа юм.

Манай залуус эхний тоглолтоо Францын "3DMAX" багтай тоглож 1-2 (inferno 10-13, Ancient 13-5, Nuke 9-13) харьцаагаар хожигдсон юм. Улмаар хоёр дахь тоглолтоо мөн адил нэг хожигдолтой байгаа Хятаын "Lynn Vision Gaming" багтай хийж 2-0 (Dust2 13-11, Ancient 13-6, Nuke 0-0) харьцаагаар хожсон юм.

Өнөөдөр тэд нэг хожил, нэг хожигдолтой байгаа бөгөөд мөн адил хожил, хожигдолтой Хятадын "TYLOO" багтай өнөөдөр (2025.09.15) 16:00 цагт тоглоно. Өмнө нь хоёр баг 2023 оны 11-р сард "ESL Challenger Atlanta 2023" тэмцээнд таарч тоглож байсан бөгөөд 2-1 харьцаагаар "The Mongolz" хожиж байжээ.

Тэмцээн нь Swiss Stage дүрмээр явагдах бөгөөд 3 хожсон баг шигшээ шатанд шалгарч, 3 хожигдсон баг тэмцээнээс хасагдах журамтай.