Интерполын улаан булант зар мэдээгээр эрэн сурвалжлагдаж байсан Монгол Улсын иргэн Р-ийг 2025 оны наймдугаар сарын 10-ны өдөр БНТУ-аас албадан авчирч, мөрдөн шалгах үйл ажиллагааг үргэлжлүүлж байна.

Уг этгээд нь инстаграммд хуурамч хаяг нээж, "Эд зүйл бараа материал худалдан хүргэлтээр үйлчилнэ" гэсэн агуулга бүхий төрөл бүрийн зар байршуулж, 52 удаагийн үйлдлээр иргэдээс 60 гаруй сая төгрөг залилжээ.

ЦЕГ-ын Интерполын төв товчоо Турк улсын Интерполын төв товчоотой шуурхай мэдээлэл солилцож, хамтран ажилласны үр дүнд Монгол Улс руу албадан авчирлаа гэж ЦЕГ-аас мэдээлэв.