Монгол Улсын Ерөнхийлөгчийн ивээл дор болох жүдо бөхийн Улаанбаатарын “Их дуулга” тэмцээний 14 жингийн барилдаан өнөөдөр болон маргааш Улаанбаатар хотод Степ Аренад 12:00 цагт эхэлнэ.

Манай улсад гурав дахь удаагаа болох гэж буй Улаанбаатарын “Их дуулга” тэмцээнд 29 орны 247 жүдоч оролцож байгаа эхний өдрийн барилдаан болох эмэгтэйчүүдийн 48 кг-д 12, 52 кг-д 16, 57 кг-д 14, эрэгтэйчүүдийн 60 кг-д 20, 66 кг-д 25 жүдоч зодоглоно.

Улаанбаатар хотноо болж буй “Их дуулга” гурав дахь удаагаа зодоглох гэж буй 25 тамирчин байна. Үүнээс 18 нь Монгол, долоо нь гаднын тамирчин юм. Тэгвэл Японы Мами Үмэки, Монголын Ё.Басхүү, Б.Эрхэмбаяр нар уг тэмцээнээс гурав дахь медалиа хүртэхийн төлөө барилдана.