Сагсан бөмбөгийн эмэгтэйчүүдийн 3х3 төрлийн Жакарта дэлхийн цуврал буюу “FIBA 3x3 Jakarta” тэмцээн энэ сарын 24-25 өдрүүдэд зохион байгуулагдана.

Тус тэмцээнд Монгол Улсаас хоёр баг оролцох бөгөөд Улаанбаатар Амазонс болон Монгол Улсын шигшээ багийн бүрэлдэхүүн оролцонон. Монгол Улсын шигшээ баг урьдчилсан шатанд оролцох бөгөөд урьдчилсан шатны А хэсэгт АНУ болон Тайландын багуудтай нэг хэсэгт орсон. Шигшээ багийн эхний тоглолт өнөөдөр 1@:30 цагт АНУ-ын багтай хийх бол хоёр дахь тоглолтоо 13:20 цагт Тайландын багтай хийнэ. Улмаар хэсгээ тэргүүлбэл үндсэн хэсгийн С хэсэгт Монгол Улсын Улаанбаатбар Амазонс болон Германы Бон Баскет багуудтай хасагдах шатанд шалгарахын төлөө тоглоно. Шигшээ багийн бүрэлдэхүүнд Э.Нарангоо, Л.Жавзандулам, Н.Номин-Эрдэнэ, Ц.Болорцэцэг нар багтсан.

Харин энэ удаагийн тэмцээнд үндсэн хэсгээс эхэлж байгаа Улаанбаатар Амазонс баг С хэсэгт орж эхний тоглолтоо урьдчилсан шатны А хэсгийг тэргүүлсэн багтай 17:10 цагт тоглох бол хоёр дахь тоглолтоо Германы Бон Баскет багтай 19:00 цагт тоглоно. Улаанбаатар Амазонс багийн бүрэлдэхүүнд Б.Ариунцэцэг, Б.Болор-Эрдэнэ, Н.Нандинхүсэл, О.Хулан нар багтаж байна.