“Завхан аймгийн Их-Уул сумын Хонгор багийн нутаг дэвсгэрт автомашин онхолдсон байна” гэх дуудлага энэ сарын 19-ний 13:30 цагт цагдаагийн байгууллагад ирүүлжээ.

Бүртгэгдсэн дуудлага, мэдээлэлтэй холбогдуулан цагдаагийн байгууллагаас шалгалтын ажиллагаа явуулахад 34 настай, эрэгтэй “Ж” нь Toyoya Prius-30 маркийн тээврийн хэрэгсэл жолоодож яваад онхолдож, 35 настай, эмэгтэй, “Б” гэмтсэн байна. Тээврийн цагдаагийн алба "Орон нутгийн зам хурдны зам биш шүү дээ. Тэр замд хурдаа нэмж, яарч хэрхэвч болохгүй.

Согтууруулах ундааны зүйл байтугай айраг амссан ч жолооны ард сууж болохгүй. Согтуу жолооч хүйтэн зэвсэг барьсан алуурчин гэх үг бий. Ямар л олиг байх вэ, нүд халтирам дүр зурагтай нүүр тулна" гэж анхааруулав.

Иймд тээврийн хэрэгслийнхээ бүрэн бүтэн байдлыг хангаж, хариуцлагатай, ухамсартай байж өөртөө болон бусдад хүндэтгэлтэй хандъя.