NBA-ын аваргын төлөөх цувралд дорнод бүсээс Индиана Пэйсэрс, өрнөд бүсээс Оклахома Сити Тандер багууд үлдээд байгаа билээ. Өнөөдөр цувралын гурав дахь тоглолт Индиана Пэйсэрс багийн талбайд болж 111-104 харьцаагаар зочид буюу Тандер хожиж цувралыг 2-2 харьцаатай болгож тэнцүүллээ.

Тоглолтын эхний гурван үед талбайн эзэд тэргүүлж байсан ч шийдвэрлэх үед Шай Гилжус Александр гайхалтай тоглолтоо үзүүлж 15 оноог авч улмаар баг нь 31 оноог авч эсрэг багтаа 17 оноог алдсан байна.

Тус тоглолтод Шай Гилжус Александр 35 оноогоор багаа тэргүүлсэн бол Жэйлин Уйлиамс 27 оноо, сэлгээнээс Алекс Карусо 20 оноог авсан байна. Эсрэг багаас Паскал Сиакам 20 оноо, 8 самбар, 5 дамжуулалт, 5 бөмбөг таслалтаар багаа тэргүүлсэн бол Тайрис Халибөртэн 18 оноо, 7 дамжуулалт, сэлгээнээс Оби Топпин 17 оноог авсан байна.

Цувралын тав дахь тоглолт Тандерын талбайд зургадугаар сарын 17-ны өглөө 08:30 цагт болно.