NBA-ын аваргын төлөөх цувралд дорнод бүсээс Индиана Пэйсэрс, өрнөд бүсээс Оклахома Сити Тандер багууд үлдээд байгаа билээ. Эхний тоглолт Тандерын талбайд болж тоглолтын турш тэргүүлж шийдвэрлэх үед 15 оноогоор хожиж байсан ч оноогоо бариулж сүүлийн 0.3 секунтэд тэргүүллээ алдаж улмаар 111-110 харьцаагаар хожигдлоо. 

Улмаар цувралыг Пэйсэрс 1-0 харьцаагаар тэргүүлж эхэлсэн бөгөөд энэ хасагдах шатны тоглолтод тав дахь удаагаа эргэн ирж хожиж байна. Цувралынх хоёр дахь тоглолт Тандерын талбайд дахин болох бөгөөд зургадугаар сарын 9-ны өглөө 08:00 цагт тоглоно.

Тус тоглолтод Пэйсэрсээс зургаан тоглогч 10-аас дээш оноог авч жигд тоглолтыг үзүүлсэн бөгөөд Паскал Сиакам 19 оноо, 10 самбар, Майл Турнер 15 оноо, 9 самбар, 3 хаалт, сэлгээнээс Оби Топпин 17 оноог авсан байна. Эсрэг багаас Шай Гилжус Александр 38 оноо, 5 самбар, 3 таслалт, Жэйлин Уйллиамс 17 оноо, Луйс Дорт 15 оноог авсан байна.