Цагдаагийн ерөнхий газрын Хэвлэл мэдээллийн төвөөс цаг үеийн нөхцөл байдалтай холбогдуулан мэдээлэл өглөө. Мөн үеэр ЦЕГ-ын Хэвлэл мэдээллийн төвийн ахлах мэргэжилтэн, цагдаагийн хошууч С.Баярбилэг “Зуны зугаа-113” нэртэй тоглолтын үеэр гэмт хэрэг, зөрчлийн шинжтэй 35 дуудлага, мэдээлэл ирсэн. Үүнээс 22 дуудлагыг эрүүгийн хэргийн бүртгэлд оруулан шалгаж байна.

Тоглолтын үеэр 140 цагдаагийн албан хаагч хяналт тавьж ажилласан. 10 хутга, хоёр ширхэн зодооны хэрэгсэл хураасан.

Түүнчлэн 18 хүнд алдсан, гээсэн зүйлийг нь хүлээлгэн өгсөн. Насанд хүрээгүй ч архи согтууруулах ундаа хэрэглэсэн 22 иргэнийг ар гэрт нь хүлээлгэн өгч ажиллалаа. Одоогийн байдлаар тоглолтын үеэр хутга, мэсэнд өртөж, гэмтсэн гэх гурван иргэн бий. Биеийн байдал нь хэвийн, эмнэлгийн тусламж үйлчилгээ авсан. Шалгалт үргэлжилж байна” гэв.