Архи согтууруулах ундаа хэрэглэсэн үедээ бусдын биед халдаж хүнд болон хөнгөн гэмтэл учруулах хэрэг цөөнгүй бүртгэгдэж байна.

Тодруулбал “Хүн хутгалуулчихлаа” гэх дуудлага мэдээлэл цагдаагийн байгууллагад бүртгэгдсэн. Энэ дагуу шалгахад 49 настай эрэгтэй А нь согтуурсан үедээ эхнэрээ хардаж толгойн зүүн дээд хэсэгт хутгалж гэмтээсэн байна.

Уг хэргийг Баянзүрх дүүргийн цагдаагийн I-р хэлтэст шалгаж мөрдөн шалгах ажиллагааг үргэлжлүүлж байгаа аж. Иймд иргэдийг согтууруулах ундааг хэтрүүлэн хэрэглэхгүй байж өөрийгөө болон бусдыг эрсдэлээс хамгаалахыг цагдаагийн байгууллагаас уриаллаа.