Өнгөрсөн долоо хоногт СБД-ийн 8 дугаар хороо, МУИС-ийн автобусны буудлын урд талд зөвшөөрөлгүй ТҮЦ байрлуулсан байсныг 2025 оын тавдугаар сарын 18-19-нд шилжих шөнө зөрчлийг арилгаж, нийтийн эзэмшлийн гудамж талбайг чөлөөллөө.

Нийслэл, дүүргийн Засаг даргын захирамжаар нийтийн эзэмшлийн гудамж, талбай болон явган хүний зорчих хэсэгт саад болж, хотын өнгө үзэмжийг алдуулж буй зөвшөөрөлгүй байршуулсан ТҮЦ-үүдийг өнгөрсөн дөрөвдүгээр сараас нүүлгэж эхэлсэн. Албаны эх сурвалжаас тодруулснаар өнөөдрийн байдлаар төвийн зургаан дүүрэгт 1700 гаруй ТҮЦ зөвшөөрөлгүй үйл ажиллагаа явуулж байсан бөгөөд 1300 ТҮЦ-ийг нүүлгэж, зам талбайг чөлөөлсөн байна. Үлдсэн 400 гаруй ТҮЦ-ийг нүүлгэх ажлыг үе шаттай хийх аж.