NBA-ын шигшээ шатын хагас шигшээн тоглолтууд болж байна. Өнөөдөр өрнөд бүсийн тэргүүлсэн баг Оклахома Сити Тандер талбайдаа Денвер Наггетс багтай цувралын тав дахь тоглолтоо хийлээ. Тоглолтын эхний гурван үед Неггетс найман оноогоор тэргүүлж байсан ч шийдвэрлэх үеийн төгсгөлийг тааруухан хийснээр 105-112 харьцаагаар хожигдлоо.

Улмаар цувралыг 2-3 харьцаагаар Тандер тэргүүлж эхэлсэн бөгөөд цувралын зургаа дахь тоглолтод тавдугаар сарын 16-ны өглөө болно.

Тус тоглолтод Шай Гилжус Александр 31 оноо, 6 самбар, 7 дамжуулалт, 2 таслалт, 2 хаалтаар багаа тэргүүлсэн бол Жэйлн Уйллиамс 18 оноо, 9 самбараас бөмбөг авсан бөгөөд Тандераас зургаан тоглогч 10-аас дээш оноог авчээ. Эсрэг багаас Никола Иокич 44 оноо, 15 самбар, 5 дамжуулалт, 2 таслалтаар бүх тоглогчдыг тэргүүлсэн бол Жамал Муррэй 28 оноог авч бусад тоглогчид нь тааруухан тоглолтыг үзүүлжээ.