Хөлбөмбөгийн хамгийн нэр хүндтэй тэмцээн болох Аваргуудын лигийн хасагдах шатны хариу тоглолт өнгөрсөн шөнө боллоо. Италийн Интер Милан талбайдаа Испаний алдарт Барселона клубтэй тоглож 4-3 харьцаагаар Интер хожлоо. Улмаар өмнөх тоглолтод 3-3 харьцаагаар тэнцэж, хоёр тоглолтын нийлбэр дүнгээр 7-6 харьцаагаар Интерын ялалтаар өндөрлөж Аваргуудын лигийн цомын төлөө шалгарч үлдлээ. Интер өмнөх тоглолтод Испаний эзэн хааны Реал Мадрид клубийг мулталсан билээ.

Интерын өрсөлдөгч клуб өнөөдөр шөнө тодрох бөгөөд Францын Парисийн Жермен талбайдаа Английн Арсеналтай тоглоно.

Тус тоглолтод Интерээс 21 дэх минутад Лаутаро Мартинес, 45 дахь минутад торгуулийн цохилтоос Хакан Чалханоглу, 90+3 минутад Франческо Ачерби гоолдож улмаар нэмэлт цагийн 99 минутад Давиде Фраттези гоолджээ. Харин Барсагаас 54 дэх минутад Эрик Гарсия, 60 минутад Дани Ольмо, 87 минутад Рафинья Диас гоолдсон байна.