Б.Шүүдэрцэцэг 1000 төгрөг ч болов хандивлахыг гуйжээ
Сүүлийн үед ард түмнээс хандив гуйж, кино хийхээр шулуудсан хүмүүсийн тоо нэмэгдэж эхлэв. Гавьяат жүжигчин Ч.Алтан-Өлзий “Өнөр бүл” киноны хоёрдугаар ангийг хийхийн тулд ард түмнээсээ хандив гуйсан билээ. Ерөөс эрхэлсэн бизнес энэ тэргүй, насаараа эгэл жүжигчин байсан тэр хүн ард түмнээсээ хандив гуйхад дургүйцэх хүн хэн байх билээ.
Тэгвэл зохиолч Б.Шүүдэрцэцэг ч гэсэн ард түмнээсээ хандив гуйж, киногоо хийх гэж байгаа бололтой. Олон ном зохиол нь шилдэг борлуулалттай болж чадсан. “Ану хатан” киногоо Америкийн зах зээлд гаргасан. “Шүүдэр” нэртэй продакшинтай эрхэм зохиолчийн дараагийн бүтээл нь Юан гүрний үед Хубилай хаантай эцсээ хүртэл тэмцсэн Өгөдэйн угсааны Хайду хааны охин бөх гүнж хэмээн алдаршсан Хотол Цагаан Сарангэрэлт гүнжийн тухай тулаант кино төсөл аж.
2015 оноос ажлаа эхэлсэн бөгөөд 2017 онд нээлтээ хийхээр төлөвлөсөн байна. Жижиг зах зээлд том сэтгэхийн зовлонг кино уран бүтээлчид ханатал эдэлж буй. Тэр утгаараа зохиолч бүсгүй ард түмнээсээ хандив гуйсан байна. Нэг сайхан дэлгэцийн уран бүтээлтэй болоход нийтээр 1000 төгрөг ч гэсэн хандивлавал гэсэн санааг тэр цахим хуудсаараа дамжуулан тавьж буй. Дашрамд зохиолч бүсгүй сонгуульд нэр дэвших шахсан талаар цахим найзууддаа хуучилсан байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
