NBA-ын хасагдах шатны эхний цувралууд үргэлжилж байна. Өнөөдрийн сүүлийн тоглолт Голдэн Стэйт Уорриорс талбайдаа Хьюстон Рокетс багтай цувралын дөрөв дэх тоглолтыг хийж эцсийн мөчид Уорриорс 106-109 харьцаагаар хожлоо. Тоглолтын сүүлийн үед Жимми Батлер 11 оноо, үүнээс Уорриорсын сүүлийн 7 оноог тэр авсан байна.

Улмаар Уорриорс цувралыг 3-1 харьцаагаар тэргүүлж эхэлсэн бөгөөд цувралын тав дахь тоглолт Рокетсын талбайд тавдугаар сарын 1-ний өглөө 07:30 цагт болно. Тус тоглолт Уорриорс хожвол цувралыг дуусгах юм.

Тус тоглолтод Жимми Батлер 27 оноо, 5 самбар, 6 дамжуулалтаар багаа тэргүүлсэн бол Брэндон Пожемски 26 оноо, 5 самбар, 5 дамжуулалт, Стифэн Көрри 17 оноог авсан байна. Эсрэг багаас Алперин Сэнгүн 31 оноо, 10 самбар, 5 дамжуулалт, 2 таслалтаар багаа тэргүүлсэн бол Фред Ванвлийт 25 оноог авсан байна.

Өнөөдөр болсон бусад тоглолтын үр дүн

Клевлэнд Кавальерс 138-83 Миами Хит /4-0/
Хьюстон Рокетс 106-109 Голдэн Стэйт Уорриорс /1-3/