NBA-ын талбайд хасагдах шатанд үлдэхийн төлөөх дорнод бүсэд 7-р байрт эрэмбэлэгдсэн Орлондо Межик талбайдаа 8 байрт эрэмбэлэгдсэн Атланта Хокс багтай цор ганц тоглолтыг хийлээ. Тоглолтын эхний хагаст 47- 61 харьцаагаар Межик илүүрхсэн ч гуравдугаар үед онооны зөрүү зургаа болж ойртсон юм. Гэвч шийдвэрлэх үед онооны зөрүүг дахин холдуулж 95-120 харьцаагаар Межик хожиж дорнод бүсийн 7-р байрыг баталгаажуулж, хасагдах шатанд Бостон Селтиск багтай тоглохоор боллоо.

Харин Атланта Хокс хожигдсон ч наймдугаар байраар гарах дахин нэг тоглолтыг хийнэ. Тус багууд маргааш болох Чикаго Буллс болон Миами Хит багуудын хожсон багтай нь тоглоно.

Тус тоглолтод Межикээс Вендел Картер Жуниор 19 оноо, 7 самбар, 2 хаалтаар багаа тэргүүлсэн бол Паоло Банкеро 17 оноо, 9 самбар, 7 дамжуулалт, сэлгээнээс Коөл Энтони 26 оноо, 6 дамжуулалт, Энтони Блак 16 оноог авсан байна. Эсрэг багаас Трэй Янг 28 оноо, 6 дамжуулалтаар багаа тэргүүлсэн бол сэлгээнээс Жоржис Нианг 15 оноог авсан байна.