Хөлбөмбөгийн хамгийн нэр хүндтэй тэмцээн болох аваргуудын лигийн шилдэг найман багийн тоглолтын хариу тоглолтууд өнгөрсөн шөнө явагдлаа. Эхний тоглолт Германы Боруссия Дортмунд талбайдаа Испаний Барселона клубыг хүлээн авч 3-1 харьцаагаар Дортмунд хожсон байна.

Гэвч өмнөх Барсагийн талбайд болсон тоглолт Дортмунд хаалгандаа дөрвөн гоол алдсаны улмаас хоёр тоглолтын нийлбэр дүнгээр 3-5 харьцаагаар Барселона клуб шилдэг дөрөвт шалгарч үлдлээ. Барсагийн дараагийн өрсөлдөгч нь өнөөдөр тодрох бөгөөд Интер Милан болон Баейрн Мюнхэн багуудын хожсон багуудтай нь тоглоно.

Тус тоглолтын салхийг торгуулийн цохилтоор Серу Гирасси 11 дэх минутад оруулсан бол хоёр дахь гоолыг 49 дэх минутад Алжир тоглогч Рами Бенсебайнигийн дамжуулалтаар Серу Гирасси гоолджээ. Улмаар гурав дахь гоолыг мөн Серу Гирасси 76 дахь минутад гоолдсон байна. Харин Барсагийн цор ганц гоолыг Дортмундын Алжир тоглогч өөрийн хаалгандаа 54 дэх минутад оруулсан байна.