Хөлбөмбөгийн хамгийн нэр хүндтэй тэмцээн болох Аваргуудын лигийн шилдэг 16 багийн хариу тоглолтууд өнгөрсөн шөнө боллоо. Английн Ливерпүүл талбайдаа Францын Пари Сен Жермен багтай тоглолоо. Өмнөх тоглолтод Английн баг талбайдаа хүлээн авч 0-1 харьцаагаар хожсон юм. Улмаар өнгөрсөн шөнийн тоглолтод талбайн давуу талтай эхлүүлсэн ч 12 минутад ПСЖ багийн довтлогч Дембелэ оруулж 0-1 харьцаагаар Францын баг тэргүүлж эхлэж тоглолт энэ үр дүнгээр дуусчээ. Улмаар хоёр тоглолтын нийлбэр дүнгээр 1-1 харьцаатай болж тоглолт торгуулийн цохилтоор шийдэгдэхээр боллоо.

Эхний цохилтыг ПСЖ багаас Витиья оруулж, хариу цохилтыг Ливерпүүлээс Салах оруулсан байна. Харин хоёр болон гурав дахь цохилтоо Ливерпүүл алдсан бөгөөд ПСЖ баг оруулснаар 1-4 харьцаагаар Францын баг Аваргуудын лигийн шөвгийн наймд шалгарчээ.

Өнгөрсөн шөнө болсон бусад тоглолтын үр дүн

Барселона /Испани/ 3-1 /хоёр тоглолтын нийлбэр 4-1/ Бенфика /Португаль/
Байер Леверкузен /Герман/ 0–2 /хоёр тоглолтын нийлбэр 0-5/ Байерн Мюнхен /Герман/
Интер Милан /Итали/ 2-1 /хоёр тоглолтын нийлбэр 4-1/ Фейеноорд /Нидерланд/
Ливерпүүл /Англи/ 0-1 /хоёр тоглолтын нийлбэр 1-1/ Пари Сен Жермен /Франц/ торгуулийн цохилт 1-4