“Викториагийн сахиусан тэнгэрүүд”-ээс гаралтай супер модель Миранда Керрын Малибу дахь харш руу орон гэргүй зэвсэгтэй этгээд халдаж,  хамгаалалтын албаны ажилтныг нь хутгалжээ.

Шаун Антони Хаивуд гэгч эр модель бүсгүйн Малибу дахь харшийн хашааг даван нэвтэрснийхээ дараа хамгаалалтын албаны ажилтны гар, нүүрийг хутгаар зүсч, дараа нь хэд хэдэн удаа буудан хөнөөсөн байна. Алуурчныг өчигдөр баривчилжээ. Түүнийг гэм буруутайг шүүхээс тогтоосон тохиолдолд бүх насаар нь хорих ял ногдуулах юм. 

Сэжигтэн Миранда Керр шиг австрали хүн байсан бөгөөд Керрийн гэр рүү нэвтэрч захидал хүргэхийг оролдсон гэж холбогдох албаныханд мэдүүлсэн гэнэ. Азаар хэрэг гарах үед загвар өмсөгч бүсгүй гэртээ байхгүй байж таарчээ.