Америкийн дуучин, жүжигчин Жастин Тимберлэйк ганц удаа сельфи хийснээсээ болоод шоронд хоригдох дээрээ тулжээ.  Асуудал дагуулсан зургаа дуучин залуу Теннесси мужийн санал хураах байранд  авсан байх аж. Тэрбээр санал хураах автомат машины өмнө нүүрээ үрчийлгэх зогсч буй сельфи зургаа инстаграмм хуудастаа нийтэлснээр ийнхүү хоригдох дээрээ тулсан байна. 

Учир нь Теннесси мужийн хуулийн дагуу санал авах байранд аудио бичлэг хийх, зураг дарах нь гэмт хэрэгт тооцогдох  бөгөөд хууль зөрчсөн тохиолдолд  30 өдөр саатуулж, 50 ам.доллароор торгох заалттай байдаг юм байна.  Санал авах байранд сельфи хийхийг хориглосон хуулийг өнгөрсөн жил баталж байжээ. Түүнээс хойш нэг ч хүн уг заалтыг зөрчиж байгаагүй гэнэ. Харин анхны хууль зөрчигч нь Жастин Тимберлэйк болжээ.