NBA-ын талбайд таван тоглолт боллоо. Өнөөдрийн сүүлийн тоглолт Лос Анжелес Лейкэрс талбайдаа Вашингтон Визардс багтай улиралд хоёр таарахаас эхний тоглолтоо хийлээ. Лейкэрс тоглолтын эхлэлийг тэргүүлж эхэлж улмаар тэргүүллээ алдалгүй дөрвөн үе тоглож 88-111 харьцаагаар хожил байгууллаа. Улмаар улирлыг 23 хожил, 18 хожигдолтойгоор өрнөд бүсийг 6-рт бичигдэж байгаа бол Визардс 6 хожил, 36 хожигдолтой дорнод бүсийн сүүлийг мушгиж байна.

Тус тоглолтод Энтони Дэвис 29 оноо, 16 самбар, 5 дамжуулалт, 4 хаалтаар багаа тэргүүлсэн бол Леброн Жеймс 21 оноо, 10 самбар, 13 дамжуулалт, 2 таслалтыг гүйцэтгэсэн байна. Тэрбээр 40 нас хүрсэн мөчөөсөө хойш анх удаа гурван аравт хийж байгаа юм. Эсрэг багаас Жордан Пүүл 15 оноо, Билал Каулибали 17 оноог авсан байна.

Өнөөдөр болсон бусад тоглолтын үр дүн

Нью-Иорк Никс 99-95 Брүүклин Нетс
Портленд Трэйл Блэйзэрс 116-107 Миами Хит
Орлондо Межик 93-109 Торонто Репторс
Филафельфи 76 109-144 Денвер Наггетс
Вашингтон Визардс 88-111 Лос Анжелес Лейкэрс