Гудамж талбайг ил задгай хог хаягдалгүй, цэвэр тохилог байлгах үүднээс Чингэлтэй дүүргийн төвийн хороод буюу 1-6 дугаар хороодын ахуйн хог хаягдал үүсдэг байршлуудын хог хаягдлыг ачиж, цуглуулах, тээвэрлэх ажлыг “Шөнийн цаг"-ийн системд шилжүүллээ. Ингэснээр тогтсон цагт буюу 18:00-21:00 цагийн хооронд иргэд, аж ахуйн нэгж байгууллагууд ахуйн хог хаягдлаа нэгдсэн хогийн цэгт хаяж, хог тээвэрлэх ажлыг замын хөдөлгөөний нягтрал, авто замын нөхцөл байдал, түгжрэлтэй давхцуулахгүйгээр хийх боломж бүрдэх юм гэж тус  дүүргийн хэвлэл мэдээллийн ажилтан Н.Сугар мэдээллээ.