"Бэлтэс Мөрөн" ХХК-ийг үүсгэн байгуулагч шүүгдэгч Р.Бумзаяа нарт холбогдох эрүүгийн хэргийн гэм буруугийн шүүх хуралдаан өчигдөр болжээ. 

Нийслэлийн Чингэлтэй дүүргийн Прокурорын газраас Эрүүгийн хуулийн тусгай ангийн 17.3 дугаар зүйлийн (залилах) 3 дахь хэсгийн 3.1, 3.2, 18.6 дугаар зүйлийн (мөнгө угаах) 2 дахь хэсгийн 2.1, 2.2-т зааснаар яллах дүгнэлт үйлдэж ирүүлсэн Г.Нямдэлгэр, С.Ганбаатар, Р.Бузмаа, Г.Нямдалай, Г.Пүрэвсүрэн, Н.Уяабор, Ч.Очир, Д.Цэнгэнбаяр, Б.Мэндсайхан нарт холбогдох эрүүгийн хэргийн гэм буруугийн шүүх хурал Хөвсгөл аймгийн Засаг даргын тамгын газрын “Соёмбо” танхимд 2024 оны 11 дүгээр сарын 05-ны өдрөөс эхлэн хуралдсан байна. 

Шүүх Эрүүгийн хэрэг хянан шийдвэрлэх тухай хуульд зааснаар шүүгдэгч Г.Нямдэлгэр, С.Ганбаатар, Р.Бузмаа, Г.Нямдалай, Г.Пүрэвсүрэн, Н.Уяабор, Ч.Очир, Д.Цэнгэнбаяр, Б.Мэндсайхан нарын гэм буруутай эсэхийг шийдвэрлэхээр 2024 оны 11 дүгээр сарын 13-ны өдрийн 14.00 цаг хүртэл шүүх хурал завсарлалаа гэж Хөвсгөл аймаг дахь Шүүхийн тамгын газраас мэдээллээ.