Архангай аймаг, Цэцэрлэг сумын Чулуут багийн “Дангийн тархи” гэдэг газар тус сумын харьяат, иргэн М нь “Чулуут” голыг завиар гарч байгаад завь нь хөмөрч живсэн байна. Энэ тухай дуудлагыг есдүгээр сарын 21-ний 21:50 цагт холбогдох албаныхан хүлээн авчээ.

Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид Цагдаагийн хэсгийн алба хаагч, орон нутгийн иргэд, ар гэрийн хүмүүстэй хамтран иргэн М/51настай, эрэгтэй/-г эрэн хайх ажиллагааг зохион байгуулж, есдүгээр сарын 22-ны өдрийн 15:16 цагт осолдсон газраас 4 км-ын зайд, голын гурван метрийн гүнээс цогцсыг нь олжээ. Улмаар тус сум дахь Цагдаагийн хэсэгт шилжүүлэн өгсөн гэж ОБЕГ-аас мэдээллээ.