Боловсролын ерөнхий газар, “И-Монгол академи”  хамтран 2024-2025 оны хичээлийн жилийн цэцэрлэгийн бүртгэлтэй холбоотой мэдээллийг  сэтгүүлчдэд өглөө.

Цэцэрлэгийн бүртгэл эхний шат наймдугаар сарын 1-18-нд, хоёрдугаар шат есдүгээр сарын 5-15-ны хооронд явагдах юм байна. Тиймээс эхний шат цэцэрлэгт хамрагдах хүсэлтийг Е-Мongolia нэгдсэн системээр авч эхэлсэн билээ. 

2-5 настай хүүхдүүдийг харьяа дүүрэг, түр оршин суугаа хаягаар бүртгэж авах зорилгоор энэхүү цахим үйлчилгээг эхлүүлж байгаа аж. Энэ жил нийслэлийн хэмжээнд 142,150 цэцэрлэгт хамрагдах насны хүүхэд байна. Одоогоор 69,455 хүүхэд хүсэлтээ илгээсэн байгаа юм. Өөрөөр хэлбэл цэцэрлэгт хамрагдах хүсэлтээ ирүүлсэн хүүхдүүдийн тоо 50 хувьд ч хүрээгүй бөгөөд хүүхдээ цэцэрлэгт хамруулах хүсэлтээ яаралтай ирүүлэхийг иргэдэд уриалж байна.