Цахим ертөнцийн од гэгддэг Зам тээврийн сайд асан М.Зоригт үүрэгт ажлаа хүлээлгэн өгсөн ч  хадланд явж, басхүү кино хийж  “Амьд” гэдгээ олонд зарласаар байгаа билээ.

Хэзээний л идсэн уусан, хийсэн ажлаа цахим ертөнцөд дэлгэж, олны анхаарлын төвд байх дуртай тэрбээр өнгөрсөн долоо хоногт “Шүүдэр дундуур” киноныхоо нээлтийг нижгэр хийж, хүрэлцэн ирсэн зочиддоо бүтэн үхэр шарж өгсөн нь олны дургүйцлыг хүргэж, цахим ертөнцийг доргиогоод амжив.  

Уг нь ирсэн зочдоо хүндэлж, киноныхоо нээлтийг өвөрмөц байлгахыг  эрхэм сайд асан хэрэндээ л хичээсэн ч,   тэр нь бүтэлгүйтсэн. Тэгвэл М.Зоригт энэхүү шийдвэртээ харамсаж, үхэр шарж идэх хүний тоо надаар дуусаг хэмээн халаглаж суугаа гэнэ.  

Тэрбээр нэгэн хэвлэлд өгсөн ярилгадаа “Дахиад үхрийг шарах зоригтон мөд гарахгүй байх гэж би бодож байна. Зоригтоор л дуусаг. Ер нь бол аль ч өнцөгөөс харсан дэмий зүйл байна билээ. Эрт дээр үед бол зохимжтой байсан байх. Одоо цагийн монголчуудад зохимжгүй юм байна гэдгийг бүх хүнд ойлгуулчихлаа даа” хэмээн халаглажээ.