Орон нутгийн автобус зорчигдоо бие засах хооронд орхиод хөдөлсөн тул тухайн иргэнийг эрэн сурвалжилж байсан. Тодруулбал, өчигдөр буюу гуравдугаар сарын 15-ны шөнө Дорнод аймаг "Хорийн толгой" гэдэг газар зорчигч бие засаад буух хооронд жолооч нь мартаж, хөдөлсөн байна.

Түүнийг 49 настай Иргэн О нь Халх гол сумаас Чойбалсан хотын чиглэлд замын унаагаар ирж байгаад машинаас буугаад бие засах үед жолооч мартаад орхиод явсныг Хилийн цэргийн 0132 дугаар ангийн дэслэгч А.Алтаншагайгаар ахлуулсан 5 хүний бүрэлдэхүүнтэй бүлэг Улсын хилээс 22 километрийн зайд Үүдийн хаалга гэдэг газар өвс ачсан эвдэрхий машины кабинд дулаацаж байх үед нь олж Хилийн салбарт авч ирэн эрүүл мэндийн тусламж үзүүллээ.