Цэрэг татлага орон даяар аравдугаар сарын 15-нд эхэлдэг билээ. Тэгвэл энэ жилийн хоёрдугаар ээлжийн цэрэг татлага орон нутгийн сонгуультай давхцаж байгаа учраас цэрэг халах, татах хугацааг энэ сарын 20-28 нд зохион байгуулахаар болжээ.

Тодруулбал, цэргийн албанд залуучуудыг татах, нэгдүгээр ээлжийн хугацаат албаны цэргүүдийг халах, гэрээт цэргийн албанд элсүүлэх ажил нийслэлд энэ сарын 21-23, хөдөө орон нутагт 20-28-ны өдрүүдэд болох юм байна.

Цэрэг татлагын зарлан дуудах хуудас авсан залуус цэргийн үүрэгтний үнэмлэх, цахим үнэмлэх, эрүүл мэндийн даатгалын дэвтэр, нийгмийн даатгалын дэвтэр, хэрэв оюутан бол оюутны холбогдох материалаа бүрдүүлж, дурдсан цэрэг татлагын байранд очихыг санууллаа.