ӨВЛИЙН ТЭРГҮҮН ХАРАГЧИН ГАХАЙ САРЫН БИЛГИЙН ТООЛЛЫН 24

ЕСӨН УЛААН МЭНГЭТЭЙ ШАР НОХОЙ ӨДӨР

• Үс засуулвал: Өвчин эмгэг ирнэ
• Өдрийн наран 8 цаг 26 минутад мандан, 17 цаг 00 минутад жаргана.

Тухайн өдөр бар жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.