1998 оноос эхлэн зохион байгуулагдаж буй 36 дахь удаагийн "Гоёл-2024" наадам өчигдөр /2023.11.19/ амжилттай зохион байгуулагдаж өндөрлөлөө. Тус наадмын загварын долоо хоног энэ сарын 15-17-ны өдрүүдэд үргэлжлэн, өчигдөр гала тоглолт болж шилдгүүдийг шалгаруулсан юм.

Энэ удаагийн наадмын топ моделиор загвар өмсөгч А.Сайхантамир тодорлоо. Түүний хувьд “Гоёл 2016” наадмын дэд байрын эзэн болж шилдэг загвар өмсөгчөөр шалгарч байсан.

1995 онд Хэнтий аймгийн Дадал суманд мэндэлсэн. Мөн “Мисс Монголиа-2017” тэмцээний шилдгээр шалгарч байсан түүхтэй.